Davao City – Kasong kalabutan sa illegal fishing ang atubangon sa kinse (15) ka mga mananagat human sila nadakpan atol sa gihimong seaborne patrol sa awtoridad sa Barangay Zone-IV, Sta. Cruz, Davao del Sur.
Ang mga dinakpan mao sila Ronelo, Arce, Antonio, Rowel, Henry, Benjamin, Zaldy, Elorde, Mark, Isidro, Romy, Edwin, Gemuel, Narciso, and Leowel, pulos mga hamtong ug mananagat nga residente sa Apo Beach, Barangay Zone-III, Sta. Cruz, sa maong probinsya.
Nakuha gikan sa mga dinakpan ang usa ka fishing boat nga mo-kantidad og P200,000; usa ka ring net mesh nga mo-kantidad og P300,000; ug assorted nga isda nga mutimbang og 7 kilos nga mukatidad og kapin P1,000.
Subling gipahinumduman ang publiko nga gipatuman usab sa Davao Gulf ang closed season sa pagpangisda epektibo sugod karong Hunyo hangtud Agosto 31, 2023.
RadyoMaN Kirby Manzon
Facebook Comments
