Irekomendar nga ipa-ubos sa election wacthlist areas sa Cebu Provincial Police Office kon CCPO ang 15 ka mga barangay sa lalawigan sa Sugbo.
Kini samtang nagkaduol na ang Mayo 14 nga eleksyon sa barangay, diin ang 15 ka mga barangay nasuta nga init ang dagan sa politika.
Niadtong niaging semana gipatawag sa hepe sa CPPO ang 40 ka mga police stations chief aron ipasusi ang mga barangay ubos sa ilang hurisdiksyon, subay sa pagpatuman sa seguridad.
Atol sa maong tigum ang mga police station chiefs nihatag og report sa ilang monitoring sa ilang mga barangay samtang nagkaduol na ang campaign period ,nga opisyal nang magsugod karong Biernes Mayo 4.
Matud ni Sr. Supt Edgar Alan Okubo ,hepe sa CPPO nga kasamtangang adunay 15 ka mga barangay ang irekomendar atol unya sa Regional Joint Peace and Security Corodinating Council Meeting kauban ang Comelec, AFP ug PNP.
Gidugang ni Okubo nga ang lungsod sa Tuburan adunay 7 ka barangay nga posibling mapa-ubos sa EWAS, samtang sa syudad sa Bogo ug lungosd sa Daanbatnayan adunay tag 3 ka barangay samtang Medellin ug Tabogon adunay tag usa ka barangay nga ipa ubos sa EWAS.
