15 ka mga grupo sa indak-indak ug 32 sa pamulak, nangandam na sa ilang performance alang sa Kadayawan

Davao City – Anaa sa 32 ka mga floral float ang masaksihan sa dabawenyos ug mga bisita karong August 18, 2024 sa buntag atol sa Pamulak Festival subay sa 39th Kadayawan sa Dabaw.

Kini maggikan sa 15 ka corporate kun non-competing floats, 5 sa Daku Category ug 12 ka Gamay Category.

Dungan sa float parade ang indak-indak sa kadalanan nga salmutan sa 15 ka mga partisipante gikan sa sulod ug gawas sa Davao City sama nalang sa 3 ka mga arts and perfoming ensemble gikan sa Davao Oriental, Davao Occidental, Davao de Oro, Davao del Sur, Surigao del Sur ug Sarangani alang sa open category.

Samtang 7 sa Davao City School-based category gikan sa Don Enrique Bustamante National High School, Davao City National High School, Catalunan Pequeño NHS, Daniel R. Aguinaldo NHS, Lacson Integrated School, Lapulapu Elementary School, Elpidio Quirino Elementary School.

Magsugod ang parade ug street dance alas 6 sa buntag ug ang final showdown sa indak-indak didto na sa San Pedro Square alas 5:30 sa hapon.

RadyoMaN Ivy Parido