15 ka pulis sa Region 10, natangtang sa serbisyo

15 ka pulis sa Region 10 ang natangtang sa ilang serbisyo sa padayon nga kampanya sa Philippine Regional Office o PRO 10 sa paglimpyo sa ilang hanay batok sa mga hiwing pulis.

Matud ni PRO 10 Spokesperson Supt. Surki Serenas nga sa 15 ka pulis nga natangtang sa ilang serbisyo, usa niini ang SPO1, lima ang PO2, upat ang PO3, usa ang SPO1 ug duha ka non-uniformed personnel nga kanhi nadestino sa Cagayan de Oro City Police Office, Bukidnon, Misamis Oriental ug Iligan City.

Sa karon, duna pay siyam ka pulis ang dunay pending cases ug nakatakdang matangtang sa ilang serbisyo.