Davao City – Pormal nga giturn-over sa Department of Trade and Industry (DTI) uban ang Provincial Local Government Unit (PLGU) sa Compostela Valley ang Starter Kit ngadto sa 15 ka mga kanhi rebelde gipahigayon sa Multipurpose Hall, Headquarters, 25th Infantry Battalion (25IB) nahimutang sa Camp Kalaw, Poblacion, Monkayo, Compostela Valley Province niadtong Nobyembre 20, 2018.
Sa iyang mensahe, gikanayon ni 25IB commander Lt. Col. Oscar Balignasay Jr., malaumon kini sa dakong kabag-ohan ngadto sa mga kanhi rebelde sanglit andam ang gobyerno nga mosuporta kanila.
“The government’s out pouring support to you in order to start anew is useless if you yourselves lack willingness to thrive, we are just an instrument towards your success in your chosen businesses,” segun niini.
Gani, gidawat sa mga kanhi rebelde ang grocery items, kambing ug baboy lakip na ang feeds ug mga bitamina niini.
Una pa man mahinayon ang turn-over ceremony, gilusad ang duha ka adlaw nga seminar sa tema nga “Enterprise Development cum Capacity Building Seminar” nahitabo sa Multi-Purpose Hall, Headquarters 25IB sa Monkayo, Compostela Valley Province kaniadtong Oktubre 23 ug 24.
Sumala ni DTI Provincial Director Atty. Lucky Siegfred Balleque, CESO V, nga tumong sa maong programa nga hatagan og kapasidad ang 70 ka mga kanhi rebelde kinsa sab recipient sa Enhanced Comprehensive Local Integration Program (E-CLIP) sa Compostela Valley nga makapangita og pamaagi aron magka-income aron sab maharuhay ilang estadong ekonomiya.
RadyoMaN Jason Amisola
