Davao City – Dugang pang healthcare workers ang nabakunahan na batok Coronavirus Disease 2019 (COVID-19) lakip na ang mga opisyales sa health department dinhi sa syudad sa Davao.
Niadtong Sabado (Marso 13, 2021), anaa sa 150 healthcare frontliners sa City Government of Davao ang nakadawat sa unang dose sa AstraZeneca vaccines human gipahigayon ang rollout sa Magallanes Elementary School, dinhi sa dakbayan.
Nabakunahan na usab si City Health Office (CHO) Acting Head Dr. Ashley Lopez ug si Dr. Gene Gulanes, ang Head sa Davao City Treatment and Rehabilitation Center for Drug Dependents atol sa ceremonial vaccination.
Lakip usab sa mga nabakunahan ang mga frontliners nga nagserbisyo sa Temporary Treatment and Monitoring Facilities (TTMFs), sa Public Safety and Security Command Center, sa 911, gikan sa Rapid Action Team (RAT), Barangay Health Emergency Response Team (BHERTS), Barangay Health Workers, ug Barangay Nutrition Scholars (BNS).
Sa maong adlaw, nagpahigayon usab og vaccination sa A. Mabini Elementary School sa Bangkal ingon man sa Southern Philippines Medical Center (SPMC).
RadyoMaN Kirby Manzon
