Gipangulohan mismo ni COMELEC XI Acting Regional Director Atty. Gay Enumerables ang paghasa sa 150 ka Pulis sa PRO XI nga ipadala sa Bangsamoro Region in Muslim Mindanao (BARMM) ugmang adlawa.
Gipasabot ni PRO XI Spokesperson Police Major Catherine Dela Rey nga naghangyo matod pa ang BARMM Region sa mga Rehiyonal nga Buhatan sa Kapulisan sa entero Mindanao nga kon mahimo magpadala og mga pulis aron maoy himoong Board of Election Inspectors kon BEI sa matigayon nga Synchronized Barangay ug Sangguniang Kabataan Election karong Uktobre 30,2023.
Giingon ni Dela Rey nga sayo ideploy ang mga pulis kay aron aduna pa sila’y tansa ma- familiarized ang mga dapit sa BARMM Region nga ilang paadtoan.
Dugang pa sa Tigpamaba nga ang tumong sa hangyo sa pagpadala og mga pulis sa BARMM Region kini aron malikayan ang kaguliyang ug pagduda sa tikas sa piniliay sanglit ang mga Magtutudlo nga nagsilbing sa miaging mga Eleksyon mga paryente ra usab kasagaran sa mga mipapili sa bugnong lugaynon, ug nga malikayan sab ang harassment kon mga Pulis ang magsilbi sa BEI karong Eleksyon.
RadyoMaN Joel Viray
