Mokabat sa 150-mil pesos ang damyos sa sunog sa usa ka balay nga nahimutang sa Mega Heights Subdivision, Barangay Gusa ning syudad kagahapong adlawa.
Matud ni SFO1 Imelda Barasan sa BFP, ang maong balay gipanag-iyahan sa usa ka Oscar Stucky.
Dugang pa ni Barasan nga basi sa ilang imbestigasyon, nagsugod ang kalayo sa dirty kitchen gawas sa balay.
Nasayran nga walay giluto sa dirty kitchen apan abli ang duha ka gasul.
Sa karon padayon pa ang imbestigasyon sa BFP sa hinungdan sa sunog.
Samtang midumili sa paghatag og impormasyon ang tag-iya sa balay nga si Oscar Stucky.
Matud ni SFO1 Imelda Barasan sa BFP, nga ilang nasayran nga naglaslas sa pulso sa walang kamot si Stucky.
Dugang pa ni Barasan nga ila kining gisulayan sa pagdala sa hospital, apan midumili kini sa pag-uban.
Nakita nga depressed si Stucky ug sama sa wala sa hunahuna.
Nasayran nga nadawat sa BFP ang tawag alas 6:12 sa buntag, na under control alas 6:27 ug na fire out alas 6:36 kagahapong adlawa Dominggo.
