Ang National Food Authority (NFA) ning probinsya sa Zamboanaga del Norte ang mipagula ug Accomplishment Report alang sa bulan sa Hulyo ning tuig 2018.
Si Mr. Elimar Regindin Officer-In-Charge ang mipadangat sa maong accomplishment report ngadto sa buhatan ni Gov. Roberto Uy.
Sigun ni Mr. Regindin nga niadtong bulan sa Hulyo, ning tuig 2018 nakadawat ang ilang buhatan ug 1, 500 ka mga bag sa imported rice gikan sa National Food Authority (NFA) Cagayan de Oro aron matabonan ang buffer stocks sa probinsya, samtang nagpaabot alang sa gilaraw nga alokasyon sa probinsya nga lauman nga mahidangat ning bulan sa Agosto , 2018.
Kining maong mga stocks sa bugas ang pagagamiton alang sa relief assistance panahon sa kalamidad ug emerhensya nga anaa gipahimutang sa NFA warehouse sa barangay Gulayon dakbayan sa Dipolog.
Kini mandato aron masiguro ang farm-gate price levels aron mahatagan sa katakos ang mga mag-uuma ug makuha pagbalik ang ilang production investment ug pagsiguro sa resonableng retail prices alang sa mga konsumante.
Gipahibalo, nga ang NFA warehouse sa Dipolog City, Liloy ug Siocon ang kanunay nga nagdawat ug mga deliveries sa palay (wet or dry) ug bugas mais gikan sa mga farmer’s cooperatives ug individual farmers. Ang NFA Zambaonga del Norte ang mipahigayon sa ‘Ugnayan to Farmers’ sa nagkalain-laing mga munisipyo aron pagdasig sa atong procurement program.
Mukabat na sa kinatibuk-an nga 178 ka mga bags ang nabaligya ngadto sa BJMP Dipolog ug BJMP Dapitan. Ning tongura adunay mo kapin kon kulang 1, 322 ka bags inventory of NFA rice nga gi sulod sa NFA-owned warehouse sa Gulayon, Dipolog City ning probinsya sa Zamboanga del Norte.// (PIC-JoyEngoc)
