Deklarado na karon ang 147 ka barangay isip drug cleared barangay ug 10 ka Drug free barangay dinhi sa tibuok Zamboanga del norte. Human sa makuti nga pagsusi ug pagmonitor sa taga PDEA nahisgutan nga mga barangay nga kung diin adunay tig gamitan sa droga sa maong mga dapit.
Niadtong adlawng martes Agosto 7, 2018 unang gihimo ang seremonyal didto sa lungsod sa sindangan nga gitambunag kini sa mga dagkong opisyal sa pnp sama ni OIC Provincial Director PSSUPT Michael Macapagal, BADAC Member, taga PDEA lakip si Sindangan Mayor Florentino Boy Sy.
Ang 44 ka barangay sa Sindangan gideklara nga isip Drug Cleared samtang 6 Drug Free Barangays, may 9:00AM ug pagka 1:00PM sa susamang adlaw didto sab sa lungsod sa Siayan gihimo seremonyal sa 19 ka barangay nga drug cleared ug 1 ka drug free barangay.
Samtang niadtong adlawng Myerkules gihimo ang susamang seremonya sa may lungsod sa Jose Dalman nga kung diin 13 ka mga barangay ang drug cleared na ug pagka hapon ang lungsod sa Manukan nga adunay 7 ka mga barangay ang drug cleared.
Agosto 9, 2018 sa buntag gideklara usab ang 5 ka barangay sa Pres. Manuel Roxas nga drug cleared barangay samtang 7 ka barangay usab sa Piñan ang nahimong drug cleared barangay 2 ang drug free nga barangay.
Pagka Agosto 10, 2018 sa buntag gideklara usab ang 16 ka mga barangay sa lungsod sa Polanco ang drug cleared, 1 ang drug free, gisundan usab kini sa dakbayan sa Dapitan sa 41 ka mga barangay ang gideklara usab nga drug cleared.
Mo abot sa 157 ka barangay sa tibuok probinsya Zamboanga del norte ang na deklara nga drug cleared ug drug free gikan sa walo (8) ka mga lungsod nga mao ang lungsod sa Sindangan, Jose Dalman, Siayan, Manukan, Roxas, Piñan, Polanco, ug dakbayan sa Dapitan.
Hinuon gibutyag pa sa mga hepe sa nagkadaiyang lungsod nga bisan paman gideklara na nga drug cleared ang mga barangay sa taga PDEA ug BADAC apan kanunay gihapon kini nilang i monitor aron hingpit na gayud nga mapapas ang droga dinhi sa atong probinsya.
