Davao City – Kapin kun kulang 15,000 ka mga trabahante ang naapektuhan sa coronavirus disease 2019 (COVID-19) pandemic sumala sa Department of Labor and Employment (DOLE) XI.
Sa ekskulisibong interbyu sa RMN Davao kang Ofelia Domingo, DOLE XI Regional Director, giingon niini nga ang maong datos gilangkuban sa mga temporary ug permament nga na-displace nga mga empleyado nga sagad anaa sa administrative, service staff kun sa mga tourism sectors.
Gibutyag niini nga niadtong Disyembre 10, 2020, nahuman na nila ang paghatag sa wage subsidy sa mga ni-apply nga mga apektadong mamumuo.
Apan sumala ni Domingo pwedi pang mu-apply ang mga apektadong worker sunod tuig sa mga programa sa DOLE sama sa Low Integrated Program, Tulong Panghanapbuhay sa Ating Disadvantaged / Displaced Workers (TUPAD) ug Government Internship Program (GIP).
Anaa sa 150K ka mga benepisyaryo sa Davao Region ang naka-avail sa mga programa ilawom sa Bayanihan 2 matud ni Domingo.
RadyoMaN Aimee Guinita
