Davao City – Gipahigayon gahapong adlawa ang ika-15 nga commemoration sa pagpamomba sa Old Airport Sasa ning dakbayan sa Davao.
Subay sa report gikan sa Sasa PNP, gisugdan ang programa alas 8:30 sa kabuntagon nga gipartisiparan sa mga katawahan sa pagpanguna ni Barangay Kapitan Juanito Flores sa Barangay Sasa.
Atol sa maong kalihukan gitambungan usab kini ni Davao City Mayor Inday Sara Duterte-Carpio ug mihatag og mensahi kalabutan sa paghinumdom sa hitabo sa pagpamomba nga nikalas sa daghan kinabuhi natigayon niadtong tuig 2003 sa bulan sa Marso.
Subling gipahinumdoman sa awtoridad ang katawhan nga sa kanunay mag igmat ug makig alayon ngadto kapolisan ilabina kung adunay mamatikdang mga suspisyosong lihok sa katawhan ug kung adunay makit-ang unattended baggages daling ireport kini sa kapolisan aron dili malutsan sa hinimuan sa terorismo.
RadyoMaN Don Pulayao
