Gipainom una og alak nga naay vetsin ang usa ka 16 anyos nga dalaga ayha gitabangan og lugos sa tulo ka batan-on.
Kini ang gipadayag sa biktima sa programang Straight to the Point-Kuskos Batikos ni RadyoMaN Zaldy Ocon sa dxCC-RMN Cagayan de Oro karong buntag.
Matud sa biktima nga nahitabo ang pagpanglugos mga alas sais kagabie sa Danao, Jasaan, Misamis Oriental.
Ginganlan sa biktima ang mga suspek nga silang Jason Icaranom, 18 anyos, Jek-jek Dagoc, 17 anyos ug Jan-jan Bagaipo.
Gidugang sa biktima nga nagvigil sila kagabie sa balay sa namatyan sa dihang nahitabo ang inom uban ang mga suspek ayha nahitabo ang pagpanglugos.
Human mainterview ang biktima, daling gitawagan sa dxCC si Police Chief Insp. Rogelio Labor, Hepe sa Jasaan Municipal Police Station aron maatiman ang biktima nga unang mitawag sa hotline number sa dxCC-RMN Cagayan de Oro nga 0926-853-6484.
