16 anyos nga lalake, arestado human mapalitan og shabu

Arestado ang 16 anyos nga lalake human mapalitan sa usa ka sachet sa shabu nga nagkantidad sa 500 pesos ug dunay timbang 0.05 grams.

 

Ang pagka-aresto sa maong menor de edad pinaagi sa Joint anti illegal operation sa kapolisan sa Station 3, Agora nga giunhan sa ilang hepe nga si Police Major Julius Clark Prisco Macariola IV, uban ang mga personahe sa PDEA-10.

 

Gipahigayon ang maong operasyon alas 5:20 sa hapon niadtong Mayo 30 sa Ramonal Village, barangay Camaman-an ning siyudad.


 

Suspek nga taga Pinikitan, Tangkongan, Camaman-an daan nang naa sa listahan sa kapolisan nga gabaligya sa illegal nga droga.

 

Nakuha pa sa posisyon sa suspek ang 500 pesos buy bust money ug plastic cellophane nga dunay sulod dahon sa marijuana.

 

Ang maong kaso gi-refer na sa WCPD alang sa tukmang disposasyon ug ang suspek gidala na sa PDEA-10 alang sa eksaminasyon.

 

Facebook Comments