Kumalarang, Zamboanga del Sur – Sa prisohan na magsaulog sa Pasko ang usa ka lalake human kini nadakpan sa mga personahi sa kapulisan sa Kumalarang, Municipal Police Station nga nagpahigayon og law enforcement operation batok sa usa ka pinangita sa balaod didto sa Purok Bagong Silang, Brgy. Bualan, Kumalarang, Zamboanga Del Sur, alas 10 ang takna adtong nakalabay nga adlaw.
Ang maong operasyon ang miresulta sa pagkasakuti sa nagngalan og Romel Mangangot Punay, 16 anyos, lalake, ulitawo og lumulupyo sa Brgy. Marwing, Lapuyan, Zamboanga del Sur. Naaresto ang dinakpan pinaagi sa gahom sa warrant of arrest sa kasong Statutory Rape ” ilalom sa article 266-A og gi Penalized ilalom sa article 266-B sa RPC diin giamindahan sa R.A 8353.
Gidukitan ilalom sa Criminal Case Number 15174-2K20 nga giissue ni Hon. Jaime B Caberte, ang Acting Presiding Judge sa Ninth Judicial Region, RTC, Branch 22, Pagadian City, pinitsahan atong September 21, 2020 og walay pyansa nga girekomendar bugti sa iyang temporaryo nga kagawasan. Sa pagkakaron ang maong dinakpan ang temporaryo nga nakakostodya Kumalarang MPS custodial facility.
