Davao City – Subo ang gibati sa pamilyang Manila ug dili nila madawat ang kalit nga kamatayon sa usa ka membro sa ilang pamilya human kini gilugos patay.
Gilubong ang biktima alas 3:20 sa kahaponon sa Lubogan Cemetery Toril siyudad sa Davao gahapong adlawa ug gitambongan kini sa iyang mga paryente, silingan, mga classmate sa biktima diin nag suot kini og color puti nga T-shirt nga dunay marka nga hustisya para biktima.
Una paman kini gilubong si Father Ramilo Mapaye ang nagdala sa misa nga gipahigayon didto Santo Niño Libby Bago Galleria Lorenzo Ruiz Parish Talomo district ning dakbayan.
Kahinumduman nga nagtuo ang amahan sa biktima nga aduna pay laing suspek nga milugos patay sa iyang anak busa naghinaot kini nga madakpan ang maong sad-an.
RadyoMaN Don Pulayao
