16 barangays sa Davao gideklarang insurgency-free

141

Davao City – Cleared, peaceful ug conflict–resilient na ang laing 16 ka mga barangays sa dakbayan sa Davao nga apektado sa CPP-NPA Terrorist (CNT).

Gikumpirma ni 1003rd Infantry Brigade commander Brigadier General Ernesto Torres Jr. atol sa interbyu sa RMN Davao human nga nakakuha og unanimous nga deklarasyon kagahapong adlawa gikan sa Area Clearing Validation Board (ACVB).

Gideklarang cleared na ang tulo ka mga barangays sa Toril ang Atan-Awe, Kilate ug Tagluno, duha ka mga barangay sa Marilog ang Baganihan ug Magsaysay, duha ka mga barangay sa Baguio ang Dacudao ug Gumalang, tulo ka mga barangay sa Calinan ang Lacson, Dalagdag ug Lampianao, duha ka mga barangay sa Paquibato ang Sumimao ug Pandaitan, duha pod ka mga barangay sa Buhangin ang Tigatto ug Indangan; ug ang Barangay Gatungan sa Bunawan District.

“Na-dismantle na ang politico-military structure ng CPP-NPA sa area, na-deny na iyong access ng mga NPA doon sa particular area sa resources, sa manpower pati na rin iyong mass based support ay wala na rin at pangatlo nakapag-establish na rin ng functioning barangay intelligence network at itong tinatawag natin na integrated community public safety system,” matud ni Torres.

Ang maong mga barangay gipailawom sa pila ka bulang ebalwasyon gikan sa mga opisyales sa ACVB nga gilangkuban sa 10th Infantry Division, 1003rd Infantry Brigade, Davao City Police Office, Barangay Officials sa 16 barangays ug sa City Government of Davao.

Sumala ni Torres nga musumada na sa 49 ka mga barangay ang na-cleared karong tuiga gikan sa 83 ka mga apektadong lugar tungod sa presensiya sa NPA.

Niadtong Disyembre 11, laing 18 na usab ka mga barangays ang gipailawom na sa ACVB evaluation aron hingpit na usab kining luwas batok sa insurhensiya.




Karon nga cleared na kini matud ni Torres nga lauman nga mas lig-on na ang koneksyon sa mga nagkadaiyang ahensiya aron matunol ang tanang gikinahanglang serbisyo sa maong mga barangay.

RadyoMaN Aimee Guinita

Facebook Comments