16 ka Jobseekers sa Dav Oro, hired on the spot sa National Tech-Voc Day Job Fair

Davao City – Makatrabaho na gilayon ang 16 ka mga jobseekers human ma-hired on the spot sa gilusad nga World Café of Opportunities nga gipahigayon sa Technical Education and Skills Development Authority (TESDA) Davao de Oro isip kabahin sa 2025 National Tech-Voc Day.

Ang maong kalihokan gipahigayon sa Assumption College of Nabunturan, Inc., Poblacion, Nabunturan kagahapon Septyembre 2, diin gatusan usab ka scholars ug jobseekers ang mitambong aron mangita ug masuta ang nagkalain-laing oportunidad alang sa ilang kaugmaon.

Gawas sa job fair nga nagdala og partner employers nga mitanyag ug daghang bakanteng trabaho, gipresentar usab sa TESDA ang lain-laing programa, training, ug live skills demonstrations nga nagpamatuod sa importansya sa technical-vocational education.

Samtang karong adlawa, Setyembre 3, dad-on sa TESDA uban sa partner agencies sama sa DTI, SSS, ug PhilHealth, aron mapaduol ang one-stop hub alang sa mga Tech-Voc graduates, jobseekers, ug aspiring entrepreneurs pinaagi sa trabaho, serbisyo, ug pagtunol og oportunidad nga magpalig-on sa ilang panginabuhi.

Photos: TESDA DAVO ORO

RadyoMaN Kareen Beltran