Nagalab-ot sa 16 ka mga balay ang nawash-out sa Purok Pagkakaisa (Urban Poor) Brgy. San Isidro, Koronadal City sa nagluntad nga pagbaha tuga sang pagbubo sang mabaskog nga ulan kahapon sang hapon, Hulyo 28, 2020.
Base sa ila inisyal nga datos suno kay Brgy. San Isidro Kapitan Lloyd Gabutin yara sa 104 ka mga balay sa Brgy. San Isidro ang apektado sang pagbaha.
Ginkumpirmar man ni Kapitan Gabutin nga wala naman sang casualty sa nasambit nga insidente.
Samtang ang duha ka mga pamilya ang nagtinir sa Day Care Center kag ang iban ang temporaryo naman nga nagtinir sa ila nga mga himata.
Samtang, nahatagan naman suno pa sa iya sang food assistance kag iban pa nga kinahanglanon ang mga apektado nga mga residente.
Facebook Comments
