Davao City-Nagpabilin pa sa mga evacuatiobs centers sa Bago Aplaya Gym, Bago Gallera Gym, Barangay Catalunan Pequeño San Vicente Ferrer Chapel ug Barangay Gym ang 16 ka mga pamilyang naapektuhan sa Urban Flooding sa dakbayan.
Sa City Disaster Risk Reduction and Management Office (CDRRMO) Operations Center Nobyembre 13, 2023 nga report, 67 kini ka mga Internally Displaced Persons (IDPs) ang wala pa makauli sa ilahang mga lugar nga gibaha niadtong Nobyembre 8.
Sumala ni CDRRMO Head Alfredo Baloran nga wala magdeklara ang dakbayan og state of emergency subay sa insidente.
Gipaniguro sa lokal nga panggamhanan sa Davao nga matunol ngadto sa flood victims ang mga ayuda.
Nagpadayon ang house to house validation sa City Social Welfare and Development Office (CSWDO) sa mga damyos para sa financial assistance depende kung totally damaged o partially damage ang panimalay.
RadyoMaN Aimee Guinita
Facebook Comments
