Davao City – Labing gitutukan sa syudad ang intensified case finding sa komunidad tungod sa paspas nga pag-contain sa coronavirus disease 2019.
Sumala ni Davao City Mayor Sara Duterte, subay sa mando sa mga epidemiologists kung adunay confirmed o positibo sa COVID-19 sa partikular nga lugar kinahanglan kining kuhaon, pangitaon ang tanang mga exposed kanila.
“We have to intensify the case finding dinha sa atong communities. Pareha sa atong gibuhat namo katong isa ka adlaw, naa didto Leon Garcia naay nag positive didto nga mga tao, and then gitest sa DOH ang mga surrounding areas by random selection sa mga tao. Mao pud na ang atong buhaton karong hapon. We have 3 (three) areas: Bankerohan, Buhangin ug diri in between Brgy. 21-C and 23-C, ug sa kilid ana na mga barangay [nga i-random testing]. Dunay tulo ka teams nga manggawas nga mag random testing sila, pangitaon nila kung kinsa ang mga tao nga naga positive” sumala niini.
Ang mga doktor usab ang mudesidir kung kinahanglang i-lockdown ang usa ka lugar.
Segun sa alkalde adunay 16 karon ka mga street o household sa Davao, ang gi-lockdown, diin ang tibuok alley o mismo ang balay isirado ug walay tugtang makagawas sa maong lugar depende kini sa sitwasyon.
Kahinumduman nga naka-lockdown sulod sa 14 ka diyas na ang Purok 3, 4, 7 sa Barangay 23-C, Purok 8 sa Barangay 21-C, Purok Sto. Niño sa Barangay Leon Garcia, ug Purok Lipadas sa Barangay Daliao.
RadyoMaN Aimee Guinita
