South Cotabato–Dead on the spot ang 14 ka miyembro sa usa ka pamilya human nga mahulog ang ginasakyan nila nga forward truck sa boundary sa Barangay Lambanga ug Barangay Lamsalome, sakop sa lungsod sa Tboli, South Cotabato.
Sa interview kay Tboli Mayor Dibu Tuan, gikan sa Family reunion ang pamilya nga gipahigayon dinhi sa dakbayan sa Gensan ug pauli na unta sa lungsod sa Surallah.
Nagshort cut ug dalan ang driver, apan pag-abot sa lugar, nawad-an ug preno ang sakyanan gumikan sa sobra ka taas nga dalan.
Nagdiritso ilawom sa sakyanan ug natumba diin nadat-ugan ang ubang sakay niini samtang ang uban nangalagpot gumikan sa kusog kaayong impact.
Matud kang Surallah Mayor Antonio Bendita, taga Zone 2, barangay libertad ang mga biktima. Sa karon padayon pa ang retrieval operation sa mga patayng lawas sa lugar, samtang padayon pang giatiman sa mga doctor ang mga biktimang saman gumikan sa insidenti.
