Davao City – Mokabat sa kapin 100 ka mga driver’s license ang nakumpiska human gikasa ang Oplan: Lambat Bitag Sasakyan alas 3 sa hapon kagahapong adlawa sa nagkalain-laing lugar sa syudad sa Davao.
Sa report sa Davao City Police Office kun DCPO, 160 ka mga driver’s license ang nakumpiska diin gawas niini, aduna usab 16 ka mga single motorsiklo ang naimpound nga giendorso na sa Traffic Group.
Dugang niini, naka-isyu ang traffic enforcers og 129 citation tickets lakip Temporary Operating Permits tungod sa mga nagkalain-laing natala nga bayolasyon sa balaod-trapiko.
Matud pa nga ang tumong sa maong operasyon mao ang mahimong gawasnon ang syudad sa mga suspected carnapped ug wala narehistro nga mga behikulo.
Ang Lambat Bitag Sasakyan gilusad sa hiniusang pwersa sa DCPO, TaskForce Davao, LTO, LTFRB, CTTMO ug RMFB 11 nga nahuman alas 6 sa gabii kagahapong adlawa.
RadyoMaN Renz Barbarona
