165 million kantidad sa sigarilyo nga gigamitan ug peke nga Government Stamp nakumpiska sa Gensan

89


General Santos City—gironda sa mga personahe sa Bureau of Custom National Office inabagan sa Bureau of Custom Gensan, Bureau Of Internal Revenue Gensan sa pakig-alayon sa Bula Police Station ug Gensan City Police Office ang usa ka warehouse nga nahimutang sa Sunshine Corn mill compound nga makaplagan sa Barangay Lagao General Santos City gumikan sa mga brand sa sigarilyo nga gigamitan ug fake Government Stamp.


Alas 9:00 ang takna sa buntag kagahapong adlawa  dihang gisulod sa operatiba sa BOC Gensan, BOC National Office  ug BIR-Gensan ug sa kapulisan  ang warehouse nga iyaha sa Mighty Corporation.


Bitbit sa BOC ang mission order human nasuta nga gigamitan ug peke nga Government Stamp ang duha ka mga brand sa  sigarilyo nga iyaha sa maong kumpanya.

Mukabat sa 11, 400 ka mga boxes sa Mighty ug Marvel Cigarettes nga gibana-banaang anaa sa kantidad nga P165, 000,000.00 ang nakaplagan sa maong warehouse nga gituohang gigamitan ug Fake Government stamp.


Sa inisyal nga pag suta kumpermado nga dunay mga karton sa sigarilyo nga gigamitan gyud ug peke nga Government Stamp. Sa kasamtangan padayon pa ang inventory sa maong mga sigarilyo ug usa usa ug tan-aw ang mga nakapatik nga Stamp.


Samtang gi-podlock usab ang maong warehouse aron masigurong dili na subling gamiton sa kumpanya.  Gikatakda usab nga i-full-out ang mga sigarilyo gikan sa Bodega ug gikatakda kining ikustuiya sa BOC.





Facebook Comments