Ramon Magsaysay, Zamboanga del Sur – Personal nga midangat sa buhatan sa kapulisan sa Ramon Magsaysay ang usa ka negosyante human kini giti-unan ug nasakmitan ug nilibo nga salapi sa duha ka wala mailhing mga suspetsado kaniadtong bernes.
Ang biktima nailang si LYDA HATAB DURAN, 55 anyos, balo, kauban ni KAHAL RIDZKHAN ONKAY, 31 anyos, minyo ug pulos mga residente Purok New Agura, Sta Lucia, Pagadian City.
Sa imbestigasyon nasayran nga ang mga biktima ang sakay sa sakyanan tamaraw FX, color sky blue gikan sa lungsod sa Mahayag paingon sa Metro Bank, Molave arun sa pagpa in cash sa ilang cheke ug pauli na unta kini sa Pagadian apan sa pag-abot sa National Highway sa Barangay Paradise, Ramon Magsaysay, Zamboanga del Sur, duha ka wala mailhing mga suspetsado nga nagsakay sa single motor XRM, color itom, walay plate number ang mipusil sa mga biktima sa makaduhang higayon ug mimando sa biktimang si Lyda Duran sa pagtunol sa iyang dalang bag.
Gumikan sa kahadlok, napugos ang biktima sa pagtunol sa iyang bag. Mokabat sa 167 mil pesos ang nadala sa mga kawatan.
Sigon sa nakasaksi, human makuha ang bag, daling misibat ang mga suspek paingon sa Molave.
Nagpahigayon na ug makuting imbestigasyon ang kapulisan sa Ramon Magsaysay arun sa pag-ila ug pagsikop sa mga suspetsado.
