Davao City – Aduna nay 16,000 ka mga tigpayuhot ug tiggamit og iligal nga droga ang misurender sa Comval PNP sugod sa termino ni Pres. Rodrigo Duterte sa tuig 2016.
Kini maoy gibutyag ni Comval PNP Provincial Director P/Sr. Supt. Roderico Roy atol sa gipahigayong AFP-PNP Presscon karong adlawa diin miingon kini nga bisan pa man ni-surrender na ang maong mga nalambigit sa iligal nga droga, nagapadayon sa gihapon ang ilang close monitoring ingon man ang anti-illegal drugs operations.
Sa pagkakaron, anaa na lamang sa tulo o upat ka mga high value target kun HVT ang anaa sa listahan sa ilang provincial drug watchlist.
Dugang sa regional director, subli na usab silang mag-identipika og mga personahe nga ibutang sa High Value Targets sa ilang probinsiya.
Samtang gikanayon usab ni Roy nga nibaba sa 140 gikan 211 kun 33.60% ang crime rate volume sa Compostela Valley sa second quarter karong tuiga kun itandi sa milabay’ng tuig 2017.
RadyoMaN Jason Amisola
