17 anyos gipusil –angol

34

General Santos City—Samad sa walang bahin sa iyang bukton ang naangkon sa usa ka biktimang si Alias Jason, 17 anyos, Lumad nga taga Balut Island, Davao Occidental ug temporaruyong nanimuyo sa Olarte State, barangay Labangal, Gensan human napusilan sa wala pa mailhing suspek.

Sa pahayag sa biktima atol sa pakighinabi sa DXMD-RMN Gensan News Team gibutyag niini nga pauli na unta kini sa balay sa iyang magulang dihang kalit lang mibutho ang tulo ka mga lalaki sa iyang likod.


Walay sulti-sulti ang mga nasampit kalit syang gipabuthan apan wala siya maigo, didto na midagan ang biktima apan siya gipabuthan ikaduhang higayon nga miigo sa iyang bukton.

Luyo nga samdan nakahimo pa ang biktima ug ambak sa sagbutan ug didto na nitago hangtud nga misibat nalang ang mga suspek. Nangayo gilayon ang biktima ug tabang sa iyang mga paryenti nga anaa sa lugar aron siya madala sa ospital.

Nasayran nga kagahapong adlawa lang gyud niabot sa lugar ang biktima gikan sa balut Island mao nga naglibog ang mga kabanay niini unsay motibo sa pagpamusil.

Facebook Comments

From Advertisers