Pangos ug bun-og sa kalawasan ang naangkon sa usa ka lalaki, human kini mabiktima sa hit and run alas 9 kapin kun kulang kagabie sa may barangay kiwalan dakbayan sa Iligan.
Ang biktima nailang si John Daniel 17 anyos, ulitawo ug molupyo sa Purok 12 Kiwalan.
Matud pa, nga samtang naglakaw ang maong biktima , kalit lang nga gibangga-an siya sa usa ka motorsiklo.
Apan imbes hunongan kini sa driver sa motor nga maoy nakabangga kaniya, kalit lang matud pang misirit ug dagan ug gibiyaan ang maong biktima nga nakahiagum ug mga samad ug bun-og sa kalawasan nga gilayong gidala sa City Hospital.
Hinuon nakapauli ra sa ilang pinuy-anan ang maong biktima human kini maatiman sa mga nurses sa nasangpit nga tambalanan.
