Sindangan, Zamboanga del Norte – PATAY ang 17-anyos nga ulitawo dihang nabagnos sa dalan, samtang ang iyang mga kauban, naangol human nadisgrasya ang ilang single motor na gisakyan, niadtong domingo sa alas 3:55 sa kahaponon sa Barangay mandih, sakop sa lungsod sa sindagan.
Si Rainer Buhat Fernandez, nga taga barangay bantayan, sindangan ang nakabsan sa iyang kinabuhi samtang kamulong kining gitambalan.
Naangol sab ang iyang mga kauban nga sila Richard Palalon Disamero, 19 anyos, Jeffrey Siarez Bucog, 18 anyos, Jimuel Siarez Bucog, 16 anyos nga polos mulupyo sa susamang lungsod.
Ang traffic imbestigador nga si PO2 Dafel G Penote sa Sindangan Municipal Police Station, nibutyag nga migawas sa ilang imbistigasyon, nga gikan sa barangay mandih ang gisakyan na single motor Honda beat kolor itom nga gimaneho ni Richard, angkas niini ang tulo ka kauban, padulong unta sa barangay poblacion, sindangan.
Apan sa pag-abot sa kurbadang dalan sa nahisgutang barangay, naapikhan ang drayber, nawad-an sa kontrol sa manobela sa iyang pagliko hinungdan nga didto nisirko sa road barricade (Barandilla) ug nangalamba sa karsada.
Ang upat daling gitabang sa mulupyo sa dapit, gidala sa Sindangan District Hospital aron katambalan apan pipila ka minutos ang milabay mga alas 4:03 sa hapon, ang angkas nga si Rainer gideklarar nga patay sa attending physician nga si Dr. Nida Ramos.
Ang maong lugar nailang hilan o accident prone area sa sindangan.
