17 anyus nalumos sa Agusan River

Nagapos ang tiil sa pukot samtang naglangoy-langoy sa Agusan river, maoy hinungdan nga nalumos ug namatay ang usa ka 17 anyos nga biktima bandang alas 4 ang takna kagahapon sa hapon.
Ang biktima giila nga si Joshua Torres, 17 anyos ug residenti sa Purok 7, Brgy. Port Poyohon ning dakbayan sa Butuan kinsa wala na matabang pa sa Hospital ug nakabsan sa iyang kinabuhi.
Sa nasayran nga bandang alas 4 ang takna sa hapon nagkasabot ang biktima ug iyang mga barkada nga maligo sa Agusan River dool sa kanhi Oil Depot sa maong lugar apan aksidenting nasabod ug nagapos ang tiil sa biktima sa pukot nga anaa ilalum sa tubig hinungdan nga wala na kini makatunga.
Paglabay sa pipila ka oras nakuha ra ang lawas sa biktima ilalum sa tubig ug gidali kini pagdala sa balay tambalanan apan pakyas nga naluwas ang iyang kinabuhi.
Gumikan sa insidenti, tumang kaguol ang gibati sa pamilya sa 17 anyos nga biktima.
[image: lumos 2.jpg]

Facebook Comments