Labing pitong mga kabahayan ang tinupok ng apoy kahapon ng umaga sa Barangay Bagua 2, nitong lungsod.
Sa panayam ng DXMY kay Cotabato City-Bureau of Fire Protection Spokesperson FO2 Aldrin Narra, nagsimula ang apoy sa isang apartment na pagmamay-ari ng isang Usman Mapen.
Hanggang sa kasalukuyan ay iniimbestigahan pa nila ang pinagmulan ng apoy, ayon kay FO2 Narra.
Anya pa, bahagyang nahirapan ang mga bumbero na mag-penetrate sa lugar na pinangyarihan ng sunog dahil sa kitid ng daanan kaya ang nangyari ay nagsuplay na lamang ng tubig sa naka-posisyon nang fire truck ang ibang pamatay sunog.
Abot namang sa humigit kumulang P1M ang halaga ng mga ari-arian na tinupok ng apoy.
Subalit sinabi ni FO2 nARRA na maaring madagdagan pa ito sa oras na magsumite na ng kani-kanilang affidavit of loss ang mga pamilyang nasunugan.
Muli namang umaapela sa mamamayan ng lungsod si FO2 Narra na siguraduhing naka-off o kaya ay tanggalin sa saksakan ang mga de-kuryenteng kagamitan kundi naman ay mismong ang plangka ang ibaba kung walang tao na naiiwan sa bahay upang iwas sunog.(Daisy Mangod)
