17 ka mga mananagat arestado sa illegal fishing

Davao City- Arestado sa Ang Coast Guard Sub Station Babak (CGSS Babak) ang 17 ka mga mananagat nga alegasyong illegal nga nangisda sa kadagatan sa Brgy. Camudmud, Babak District, Island Garden City of Samal.

Sa incident report nga gipadala sa DXDC gikan kang Coast Guard District Southeast Mindanao Commander Commodore Rejard Marfe, gidala ang mga nadakpang managat sa PNP Maritime-Samal.

Upat ka mga wala narehistrong mga banca ang gikumpiska sa mga awtoridad.

Ang mga maong bangka ug mga mananagat milapas sa 𝐒𝐞𝐜𝐭𝐢𝐨𝐧 𝟗𝟓 𝐂𝐢𝐭𝐲 𝐎𝐫𝐝𝐢𝐧𝐚𝐧𝐜𝐞 𝐍𝐨. 𝟐𝟎𝟏𝟖-𝟐𝟗𝟐 𝐒𝐞𝐫𝐢𝐞𝐬 𝐨𝐟 𝟐𝟎𝟏𝟖 , diin “bawal ang paggamit sa aktibong kagamitan sa pangisda sama sa 𝑡𝑟𝑎𝑤𝑙, 𝑝𝑢𝑟𝑠𝑢𝑒 𝑠𝑒𝑖𝑛𝑒, 𝑑𝑎𝑛𝑖𝑠ℎ 𝑠𝑒𝑖𝑛𝑒, 𝑟𝑖𝑛𝑔 𝑛𝑒𝑡, 𝑑𝑟𝑖𝑣𝑒-𝑖𝑛 𝑛𝑒𝑡, 𝑟𝑜𝑢𝑛𝑑 ℎ𝑎𝑢𝑙 𝑠𝑒𝑖𝑛𝑒, ug 𝑚𝑜𝑡𝑜𝑟𝑖𝑧𝑒𝑑 𝑝𝑢𝑠ℎ 𝑛𝑒𝑡 alang sa pangisda sulod sa municipal waters.

Padayon nga nagpahigayon ang CGSS Babak og Seaborne Patrol aron madakapan pa ang illegal nga gapangisda ug uban pang mga iligal nga kalihokan sulod sa ilahang area of responsibility.

Pasakaa’g kaso sa Bureau of Fisheries and Aquatic Resources 11 ang mga dinakpan.

RadyoMaN Aimee Guinita