178 kabuok paaral scholar sa Sarangani Province malampuson nga nakahuman sa ilang kurso

18

SARANGANI PROVINCE— Pormal nga gi-presenta atong adlaw nga Lunes atol sa flag raising sa Kapitolyo sa Sarangani ang 178 kabuok mga kabataang scholar sa Paaral Para sa Sarangan Scholarship Program nga malampusong nakahuman sa ilang nagkadaiyang kurso karong tuiga school year 2018-2019.

Segun ni Ms. Glenda Revaño, ang program coordinator, napulo (10) sa 178 ang nakakuha pag academic award taliwala sa kapit-os sa kinabuhi samtang ga-eskwela sa mga inilang kolehiyo og unibersidad sa rehiyon kung diin siyam (9) kanila ang ni-gradwar nga cum laude og usa (1) ang magna cum laude.


Una ng nagpasalamat si Christian Gasan sa Paaral tungod kay sya nahimong magna cum laude bisan sa pila ka libong estudyante sa Ramon Magsaysay Memorial Colleges Gensan.

Anak si Gasan sa usa ka yanong mananagat sa Barangay Lun Padidu, Malapatan nga may income lang matag quincena og P800 ka pesos.

Nakatapos kini sa iyang baccalaureate degree nga Bachelor of Secondary Education Major in Physical Science isip magna cum laude. Hapit usa ka libo na kabuok ang mga kabataang Sarangan ang nahimong professional tungod sa Paaral scholarship program.

Mas gipadak-an pa sa Sulong Karunungan program ni Governor Steve Chiongbian Solon ang allowance sa mga scholar, kaabag ang suporta nila Vice Governor Elmer De Peralta, mga board member og Senador Manny og Congressman Ruel Pacquiao. Nagadawat karon ang full scholar og Tres Mil ka pesos (P3K) matag bulan isip subsistence allowance may magamit pang-kunsumo, P500 pesos monthly transportation allowance, og P2,500 ka pesos book allowance matag semester.

Facebook Comments

From Advertisers