Jamindan, Capiz – Ginbawian sang kabuhi ang18-anyos nga soltero matapos ginluthang sang gwardya nga nagatrabaho sa isa ka manukan sa Barangay Pangabuan, Jamindan, Capiz.
Ginkilala ang biktima sa kay Jessie Gonzaga, residente sang Poblacion Sur, Sigma, Capiz.
Nag-angkon sang siyam ka igo sang bala sa lawas ang biktima nga matapos ginluthang ni Roy Danid 39-anyos sang Brgy. Daan Norte, Tapaz.
Sa inisyal nga imbestigasyon sang Jamindan PNP, nagainum sa tiyangge ang biktima kaupod ang duha ka mga abyan sang nag-abot ang suspek para magbakal sang sigarilyo.
Suno sa impormasyon nga may nagluntad nga kinagamo matapos ginhaboy sang bato ang suspek kag ang ginatumod nga may kahimuan amo ang grupo sang biktima.
Nagbunot sang wala pa natumod nga armas luthang ang suspek nga si Danid kag ginluthang si Gonzaga.
Wala marekober sang mga kapulisan ang armas nga gingamit sa nasabit nga krimen, apang gilayon naman nga nadakpan ang suspek.
(Photo from web)
