Davao City – Arestado ang 18 ka mga tawo sa gipahigayong Oplan Kalinaw sa Davao City Police Office (DCPO) ug ubang security forces sa mga lugar nga ilawum sa area of responsibility sa pulo ka mga police stations dinhi sa dakbayan alas 5:30 sa buntag kagahapong adlawa, Mayo 31, 2018.
Base sa datos sa DCPO, 1,109 ka mga residente ang gipailawum og profiling diin 999 niini ang adunay Identification Cards kun IDs samtang 110 ang walay napakitang IDs gani kinse ka mga wanted persons ang nadakpan sa maong operasyon nga adunay Warrant of Arrests sa managlahing kaso nga sila Karen Quino Lamoste, Marwin Robles Rodriguez ug Rey Relator Avellana sa RA 9165, Jessie Mahinay Calbonero Jr. sa kasong Child Abuse Through Lascivious Conduct, George Seras Piodos ug Peter Alexander Lascano Quemada sa kasong pagpangawat, Christine Mae Palarao Mamalias sa PD 115, Ricky Boy Sumaya Mandil sa kasong Homicide, Lolita Guzman Aro ug Rexer S. Blase sa SSS Law, Ma. Grace Marna Cueta ug Irene Davis Sarad sa kasong P.D. 1602, Carlos Ejada Dungog Jr sa kasong Frustrated Murder, ug Arnel Alegado Naran sa Lascivious Conduct.
Nadakpan usab pinaagi sa implementasyon sa search warrant ang giilang si Marlon Migio Nemenzo sa RA 10591 ug RA 9165 lakip nasikop si Tony B. Jaron sa RA 9165.
Dugang niini, duha usab ang nadakpan pinaagi sa pagresponde sa kapulisan ug gipailawum sa inquest proceeding nga sila Allen Khadir Uy sa kasong pagpangawat ug Brian Apale Baluyot sa Physical Injury.
Gawas sa mga nadakpan, hinuon adunay 656 ka mga residente ang naka-avail og free medical check-up samtang 566 ang nakadawat og libreng mga tambal sa nasangpit nga operasyon.
RadyoMaN Renz Barbarona
