Davao City – Gibutyag ni Davao City Mayor Sara Duterte-Carpio nga halos nakarekober na ang mga personahe sa City Government of Davao nga nagpositibo sa Coronavirus Disease 2019 (COVID-19).
Matud sa Alkalde nga sa 25 ka mga nagpositibo, 18 niini ang naka-rekober na samtang ang nahibiling 7 ka indibidwal nagpabiling anaa sa Temporary Treatment and Monitoring Facilities (TTMFs) sa syudad.
Kahinumduman nga niadtong Abril, unang personahe sa lokal nga gobyerno nga nagpositibo sa COVID-19 nagtrabaho sa Operation Center (OpCen) samtang aduna usay nagpositibo nga personahe gikan sa Davao City Central 911.
Gipasabot sa Mayor nga alang quarantine lamang ginagamit ang pasilidad ug kung adunay magpositibo niini, diri na ibalhin ang nahisgutan sa TTMFs.
RadyoMaN Kirby Manzon
