Aron pakusgan ang katungod sa kababayen-an ug mga kabatan-onan ug aron sila mapanalipdan sa bisan unsang diskriminasyon ug pangpangabuso, opisyal nga gisugdan sa Davao City Integrated Gender and Development Division (IGDD) ang 18 kaadlaw nga kampanya batok Violence Against Women and Children (VAWC).
Pinaagi sa impormasyon gikan sa City Government of Davao, gibutyag ni IGDD Head, Lorna Mandin nga ang tema karong tuiga mao ang “United for a VAW-free city,” nga nagsugod niadtong November 25, 2023 ug mahuman sa December 12 subay na usab sa International Day Against Trafficking.
Nakaandam na ang mga aktibidad alang sa maong kampanya nga tambongan sa nagkandaiyang barangay, tulunghaan ug mga ahensya.
Nagapadayon usab ang gender sensitivity and ending VAW sessions kauban ang newly elected sangguniang kabataan officials.
Highlight sa programa ang session ug konsultasyon kauban ang mga violence survivors.
RadyoMaN Ivy Parido
Facebook Comments
