Arestado an 18 nga mga wanted person ha Syudad han Tacloban ha gindumara nga 5 days operation han mga kapulisan.
Direktiba tikang kan PNP Regional Director PCSupt. Gilbert Cruz nga bilngon ngan arestuhon ini nga mga suspek nga may pending nga mga kaso.
Ha 18 nga arestado, duha dinhi an may kaso nga may kalabutan ha illegal nga droga, 7 ha pangawat, 2 ha robbery, usa ha homicide, duha ha child abuse, usa ha illegal possession of bladed weapons, duha ha violation of city ordinance, ngan 2 naman ha rape.
Sumala kan PNP Tacloban City Director PSSupt. Rolando Bade, yana la ini hira nagkadadakop kay makuri bilngon an mga gin aaligar suspek
Damo pa iton angay arestuhon han Tacloban City Police Office nga may mga kaso. Gin a-update pa han mga otoridad an ira datos bangin na dissmiss na an mga ini ha korte.
Gin aariglar na yana han TCPO an mga personalidad nga kinahanglan arestuhon.
Ngalikay la anay an Tacloban PNP nga ighatag ha media an mga ngaran han ira mga naaresto antis diri pa napapamatud-an ha korte nga guilty an mga ini.
