Davao City- Andam na ang kapulisan sa Davao City Police office (DCPO) alang sa pagbantay sa umaabot nga kalag-kalag karong Nobyembre 1 ug 2 ngadto sa 58 ka mga sementeryo, pribado ug pampubliko dinhi sa syudad sa Davao.
Gipamahayag ni DCPO spokesperson Police Senior Inspector Ma.Teresita Plaza Gaspan nga mokabat sa 1,800 ka mga police ang i-deploy diin karong umaabot nga Oktubre 21, adunay soft deployment sa matag police station.
Dugang ni Gaspan nga adunay augmentation nga mutabang usab sa pagbantay sa seguridad gikan sa Regional Public Safety Batallon sa Police Regional Office kun PRO XI.
Pahimangno sa kapulisan ngadto sa katawhan ilabi na sa mga managkutay nga mutuman sa mga balaud nga ipatuman subay sa umaabot nga kalag-kalag.
RadyoMan Don Pulayao
