Naggraduate ang 188 ka drug surrenderees nga kabahin sang 3rd batch sang drug treatment and rehabilitation program sa community change centers nga ginatawag the crossroads.
Ini ang mga drug surrenderees nga boluntaryo nga nagpaidalum sa community based rehab centers sang syudad nga nahamtang sa pito ka distrito.
Sa iya mensahe ginpanginbulahan ni mayor Jose Espinosa III ang mga graduates.
Pasalig sang alkalde, handa sya magbulig sa mga gusto magbag-o sang ila kabuhi.
Suno kay City Health Officer Dr. Bernard Caspe nangin balasehan sang pag graduate sang mga surrenderees ang ila maayo nga pagbinatasan, nakapasar sa random drug test kag maayo na ang personalidad.
Bilang bulig, magahatag sang training ang syudad paagi sa Technical Institute of Iloilo City agud makaumpisa sang panibag-o nga bahin sang ila kabuhi ang mga anay drug personalities.
