General Santos Citty—Sikop sa operatiba sa Police Station 2 ang usa ka 19 anyos nga si Babes Esmael, residenti sa Phase 2, Doña Solidad, Barangay Labangal, Gensan atol sa gihimo nilang buy-bust operation sa may Purok Malipayon, Barangay Labangal, Gensan.
Ala 1:00 ang takna sa kabuntagon dihang gikasa ang operasyon batok sa suspek kung asa napalitan kini ug usa ka sachet sa gituohang shabu sa usa ka police nga nagpakarong-ingnong poseur buyer gamit ang P500.00 nga marked money.
Dihang gidawat sa suspek ang marked money, didto na kini gipusasan dayon gidala sa present sa kapulisan.
Sa karon ginandam na sa Police Station 2 ang kasong kalapasan sa RA 9165 (Comprehensive Dangerous Drug Act of 2002) ang nasampit nga suspetsado.
Gikaingong dugay nang gipanid-an sa kapulisan ang suspek gumikan na usab sa paglambigit niini sa iligal nga droga.
