General Santos City—tingkagol na sa silda sa Police Station 6 ang usa ka 19 anyos nga lalaki human nakuhaan ug pusil ug marijuana sa tropa sa kapulisan sa may Asai Village, Barangay Bula, Gensan alas 9:05 ang takna sa gabie kagahapong adlawa, January 22, 2018.
Suspek giilang si Jericho Padayao, 19, residenti sa Purok 1, Asai Vill, Barangay Bula, Gensan.
Sa report sa police station 6, nasuta nga nakadawat nalang sila ug report gikan sa mg concern citizen nga matod pa adunay usa ka lalaki sa maong lugar nga nagbitbit og armas. Gilayon kining girespondihan sa kapulisan sa lugar.
Misuway pag sibat ang suspek human nakit-an ang presensya sa kapulisan apan nasikop human nakorner.
Narekober gikan kaniya ang usa ka unit sa cal- 38 revolver, mga bala sa pusil ug pinaugang dahon sa marijuana nga giputos sa foil. Sa karon ang suspek balhog na sa silda sa kapulisan ug hinahan-ay nalang ang kasong kalapasan sa R.A 9165 ug R.A 1091.
