Davao City – Patay ng mahidanagat sa balay-tambalanan ang usa ka 19 anyos nga ulitawo nga si John Rey Pandoy, residente sa may Brgy. Los Amigos, Tugbok ning siyudad human nalumos sa sapa.
Base sa report bandang ala-1:00 pasado sa Huwebes sa hapon, nagkasinabot ang biktima kuyog ang upat niini ka mga higala nga mangaligo og sapa sa may Talomo River sa may Prk. 6 Brgy. Los Amigos, Tugbok.
Tunga-tunga sa ilang kalipay, naka desisyon nga magdula samtang nangaligo.
Sa wala damha nadalin-as ang biktima ug nahulog kini sa tubig nga dunay gilawmon nga 6-7 ft.
Tungod dili makamao mosalom ang biktima dali kining na anod sa tubig ug wala na maka tunga.
Gisulayan pa sa mga higala nga luwason kini apan wala na madala.
Midangat sa taas nga minuto kalit nga mitungha sa lapyahan ang biktima ug ddto gidala kini sa pinaka duol nga balay-tambalanan apan deklarado ng wala nay kinabuhi.
Sumala pa sa attending physician niini nga walay foul play nga nakita gikan sa patay’ng lawas sa biktima.
RadyoMaN Paul Canono
