TACLOBAN CITY – Naghikog-patay an usa nga 19 anyos nga lalaki ha Brgy. 81, Marasbaras, Tacloban City dida han Sabado, August 10.
Ginkilala ini nga hi Karl Andrei Fuentes, 19 anyos, residente ha nasabi nga lugar.
Sumala kan P/Maj. Rico Esoy, PNP-station 1 commander, alas 7:30 han gab-i han ma-notice ni Alejandro, tatay ni Karl Andrei nga mamingaw man ha 2nd floor han ira balay.
Ginpanginano ni tatay Alejandro upod an usa pa nga anak hini, didto na nira nakit-an nga naghikog hi Karl Andrei gamit an nylon.
Gindara pa ini nira ha hospital pero dead on arrival na.
Subay ha imbistigasyon han PNP, nagawas nga na-depress hi Karl Andrei tungod nga ginpoproblema hini an iya grado ha eskwelahan.
Gin-akseptar naman na han pamilya ni Karl Andrei nga nagpakamatay ini.
Ha pagka yana, gindudumara pa an imbistigasyon kun may foul play ha natabo nga insidente.
Ha datos nga nahikay han PNP station 1, tulo na an nagpakamatay tinikangan dida han Enero tubtob Agusto yana nga tuig ngan puros mga lalaki.
