TACLOBAN CITY – Arestado ngan nadakop na han Tacloban PNP an suspek nga pumatay ha usa nga choreographer ha Northill Arbours Brgy. 106 Sto. NiƱo, Tacloban City.
Ginkilala an suspek nga hi Jimboy Lacaba, 19 anyos ngan residente ha Brgy. 105 San Isidro han Tacloban.
Ha interview han RMN kan PIsnp. Concas Castillo, Tacloban PNP Station 2 Commander, 39 nga binun-an an naangkon han biktima.
āHa inisyal nga pagconduct han autopsy han aton medico legal, gumawas nga 39 an samad, mayada niya 24 ha liog, mayada niya 12 ha tiyan ngan mayada hiya tulo ha taludtod, so 39 tanan.ā
Ha latest investigation han Tacloban PNP, nagawas nga pangawat an rason kun kayano nabuhat ini han suspek pero nagin kwestyunable ini tungod nga damo an binun āan han biktima.
Usa nga talent dancer an suspek, nadakop ini han mga otoridad ha Brgy. 105 San Isidro ha Tacloban kakulop ha bulig han mga opisyales han mao nga barangay.
Nabulig gihapon yana ha imbistigasyon an kainom han suspek dida han mahinabo an krimen.
Aminado naman liwat an suspek ha iya ginbuhat.
Narekober naman han mga kapulisan an pira nga gadgets tikang ha suspek nga gintutuuhan kinawat tikang ha biktima.
Ha pagka yana, paslak na ini ha Tacloban PNP Lock-up cell.
