Sa interview sa DXDC RMN Davao kang Julius Garcia, Information Officer sa Local Government Unit (LGU) Carmen, iyahang gisulti nga nga apektado ang 19 ka mga barangay sa lunop partikular na ang Alejal, Asuncion, Cebulano, Ising, La Paz, Mabuhay, Magsaysay, Mangalcal, Minda, Santo Niño, Taba, Tibulao ug Tubod.
Samtang, mas lawom nga baha ang nasinatian sa ubang barangay sama sa Tuganay, Guadalupe, Mabaus, Salvacion, Anibongan, San Isidro ug New Camiling, diin lampas tawo na ang lebel sa tubig. Gilayon usab nga gihikling ang apektadong mga residente, diin gatusab ang temporary karong anaa sa evacuation centers.
“Kagahapon hangtud karon, Barangay Minda lang ang wala gyud naapektuhan sa baha. Out of 20 Barangays, 19 kabuok ang barangays nga naapektuhan gyud sa pagbaha. Mao gyud toy mga lagpas tao na (ang lebel sa tubig),” matud ni Garcia.
Gani, kaganinang buntag, Pebrero 2, 2024, natanggong ang mga motorista sa national highway along Tuganay padulong sa Guadalupe, Carmen, padulong sa Tagum City, Davao del Norte tungod sa taas nga lebel sa tubig baha.
RadyoMaN Kirby Manzon
