Girescue sa Regulatory and Complaint Board o RCB Inspectorate Team uban ang mga personahe gikan sa Barangay 12 ang 19 ka minors nga naa sulod sa internet café o piso net sa Barangay 12 ning syudad niadtong Martes.
Kini human nakadawat og reklamo ang RCB pinaagi sa ilang facebook account nga CDO Regulatory and Complaint Board nga dunay daghang estudyante ang gasulod sa WMX sa Corrales Street sayo pa sa buntag.
Base sa City ordinance nga nailang Cagayan de Oro City Comprehensive Children’s Welfare Code of 2018.
Sa maong ordinansa gidid-an ang mga menor de edad sa pagdula og computer or video games gikan alas siete sa buntag hangtud alas tres sa hapon panahon sa tingklase ug ang mga tag-iya sa Internet café gidid-an nga magtugot sa mga minors nga maka access sa pornographic sites or ba kaha molambigit sa bisan unsang pornographic activities pinaagi sa internet.
Nasayran nga gipalig-on usab karon sa RCB ang ilang kampanya sa pagregulate sa mga internet cafés alayon sa kasaulogan sa National Children’s Month.
