Padugangan sa hepe sa Cebu Provincial Police Office ang gidaghanon sa mga pulis sa 19 ka police stations sa kalungsuran nga nagkuwang ug mga personnel .
Nasuta ni CPPO Chief , Sr. Supt. Manuel Abrugena sa iyang pagsusi sa mga police stations nga adunay 19 ka estasyonan nga aduna lay tag 21 ka personnel nga kuwang kaayo sa gidaghanon sa populasyon sa usa ka lungsod .
Nahibaw-an usab kini human sa insidente sa pag-ambush ni Daanbantayan Mayor Vicente Loot niadtong Mayo 13 sa Maya Port dihang way bisan usa ka polis nga naka-beat patrol sa maong lugar ug sa ubang strategic nga lugar sa lungsod .
Subay niini si Abrugena nagrequest sa Police Regional Office -7 ug tag 10 ka mga bag-ong pulis nga madugang ngadto sa matag police station nga kuwang ug personnel sa sunod semana.
