19 MAGA PASAHERO IRIDO DESPUES MAN BANGGA-AN EL UN PUBLIC UTIITY VAN Y UN TRUCK NA HI-WAY DEL BRGY MANICAHAN, ZC

IRIDO EL 19 MAGA PASAHERO DEL PUBLIC UTILITY VAN DESPUES ESTE YA MAN BANGGA CON UN TRUCK CARGAO DE PUERCO PASAO ALAS SIETE ANOCHE NA HI-WAY DEL BRGY MANICAHAN.
ASEGUN CON EL HEFE DEL POLICE STATION -3 SANGALI SI PC/INSP CHESTER NATIVIDAD QUE EL VAN DE PASAHERO CON TEMPORARY PLATE QUE TA MANEHA SI JAYNAND MENDOZA, ESTABA NA PUEBLO Y ENCAMINO YA PARA NA BRGY BOLONG CUANDO YA LLEGA SILA NA MANICAHAN ACIDENTALMENTE YA MAN BANGGA ESTE CON EL TRUCK CON PLACA NUMERO ADO-3717, CARGAO DE PUERCO QUE TA MANEHA SI ARMANDO ABESANO Y TORMENTO , 28 ANYOS DE EDAD RESIDENTE DE PASONANCA.
EL CHUFER DEL TRUCK SI ARMANDO ABESANO YA HABLA, QUE ANTES YA OCCURI EL INCIDENTE, YA PRECURA LE DESBIA CON UN PICK-UP TYPE VEHICULO POR CAUSA TA UMIA ESTE Y HENDE NA MAS LE CLARO CON EL CAMINO, Y NOHAY LE PUEDE REPARA CON EL VAN QUE TA CORRE PARA NA DIRECTION DEL COSTA WESTE.
POR CAUSA NA FUERZA DEL BANGGAAN, YA SUSTENE MAGA IRIDA EL MAGA PASAHERO DEL VAN Y PAHINATE DEL TRUCK, MIENTRAS AMBOS MAGA VEHICULO EL YA SALE DESTROSAO ESPECIALMENTE EL ADELANTE PORTION.
ENSIGUIDAS TAMBIEN YA LLEVA CON EL MAGA VICTIMA NA OSPITAL POR EL TRATAMIENTO MEDICAL.


Facebook Comments