193 KA BAG-O NGA KASO SANG COVID-19 SA WESTERN VISAYAS NALISTA SANG DOH-6 SUBONG NGA MARTES

12

Naglab-ot naman sa 193 ka bag-o ka mga kaso sang COVID-19 ang nadugang sa listahan sang DOH 6 sang mga nalatnan sang balatian sa Western Visayas subong nga adlaw sang Martes.

Base sa COVID-19 case bulletin 193 nga ginpaguwa sang DOH-6,May pinakamadamo nga bag-o nga kaso ang nalista sa Siyudad sang Iloilo nga may 71; ginasundan sang Probinsya sang Capiz nga may 37; Siyudad sang Bacolod may 34; Probinsya sang Iloilo may 31; kag Probinsya sang Negros Occidental nga may 20 ka kaso.

Bangud sini, nagsaka na sa 12,683 ang kabug-usan nga kaso sang COVID-19 sa rehiyon kon sa diin 3,742 diri ang active cases.

Nag-ayo naman sa balatian ang dugang nga 163 ka pasyente kabangdanan naglab-ot naman sa 8,661 ang mga nakarecover.

Nagsaka naman sa 280 ang mga napatay sa nasambit nga balatian sa rehiyon 6 matapos 9 pa ka pasyente ang ginbawian sang kabuhi.

Facebook Comments